अन्तर्राष्ट्रिय नारी दिवसको सुरुवात २०औं शताब्दीको सुरुतिर श्रमिक आन्दोलन र महिला अधिकार आन्दोलनबाट भएको हो। मुख्य रूपमा यो अमेरिका र युरोपका श्रमिक महिलाहरूको संघर्षसँग जोडिएको छ।
- सन् १९०८ मा अमेरिकाको न्यूयोर्क सहरमा करिब १५,००० महिलाहरूले कामको समय घटाउने, समान ज्याला पाउने र मतदानको अधिकार का लागि ठूलो प्रदर्शन गरेका थिए। यो घटनाले दिवसको आधार तयार पारेको थियो।
- सन् १९०९ फेब्रुअरी २८ मा अमेरिकाको सोसलिस्ट पार्टीले पहिलो पटक "नेशनल वुमन्स डे" । यो महिलाहरूको अधिकारका लागि समर्पित थियो।
- सन् १९१० मा डेनमार्कको कोपेनहेगनमा सोसलिस्ट इन्टरनेशनलको अन्तर्राष्ट्रिय सम्मेलनमा जर्मनकी कम्युनिस्ट तथा महिला अधिकारकर्मी क्लारा जेट्किन ले हरेक वर्ष एकै दिनमा विश्वभर "अन्तर्राष्ट्रिय श्रमिक महिला दिवस" मनाउने प्रस्ताव राखिन्। यो प्रस्ताव सर्वसम्मतिले पारित भयो। मुख्य उद्देश्य महिलाहरूलाई मताधिकार दिनु थियो, किनकि त्यसबेला धेरै देशमा महिलालाई भोट हाल्ने अधिकार थिएन।
- सन् १९११ मा पहिलो पटक अस्ट्रिया, जर्मनी, डेनमार्क र स्विटजरल्यान्डमा औपचारिक रूपमा अन्तर्राष्ट्रिय नारी दिवस मनाइयो।
- सन् १९१७ मा रुसमा महिलाहरूले मार्च ८ मा ठूलो प्रदर्शन र हड्ताल गरे। यसले रूसी क्रान्तिमा महत्वपूर्ण भूमिका खेल्यो र महिलाहरूलाई मताधिकार प्राप्त भयो। यसैले मार्च ८ लाई स्थायी रूपमा अन्तर्राष्ट्रिय नारी दिवसको रूपमा स्थापित गरियो।
- सन् १९७५ मा संयुक्त राष्ट्रसंघले यो दिवस मनाउन थाल्यो र सन् १९७७ मा आधिकारिक रूपमा मान्यता दियो।
