India raises fuel prices as rupee nears record low

 The Indian rupee has fallen over 6% this year amid high oil prices, foreign outflows, and geopolitical tensions. he Indian rupee, which has been sliding to new lows in recent sessions, is expected to remain under pressure on Friday, with rising U.S. Treasury yields boosting the dollar and compounding the already significant strain from high crude oil prices.

The rupee is expected to open in the 95.80–95.90 range, traders say, after settling at 95.7625 per dollar on Thursday. It hit a lifetime low of 95.9575 per dollar in Thursday trading before paring some losses.

State-run retailers raised petrol and diesel prices by 3 rupees per litre as the rupee struggles near record lows. The central bank of India is selling reserves and exploring measures to boost dollar inflows to stabilize the currency.

Not only Nepal currency is tied to Indian currency, all the oil Nepal comes from India. 

Popular Prime Minister whose sudden rise from rapper to the Prime Minister seems to be having all his ducks in a row. Can Balen Hold the price of Petrol?

NEPAL NEWS TODAY :: नेपालको समाचार आज

 Kathmandu

Dautari News Highlight: 

• 
  
• Dautari Online Khabar Current News - आजको समाचार 

• Dautari Setopati Current News - आजको समाचार 

• 
  
• Dautari Khabarhub Current News - आजको समाचार 

• Dautari NewsofNepal Current News - आजको समाचार 

• Please Click for More Nepali News  थप नेपाली समाचार 
• 
  

हान्टाभाइरस के हो?

हान्टाभाइरस (Hantavirus) मुसाबाट सर्ने भाइरसहरूको एउटा समूह हो, जसले मानिसमा गम्भीर र घातक श्वासप्रश्वास वा मिर्गौला सम्बन्धी रोगहरू निम्त्याउन सक्छ। मानिसहरू सामान्यतया संक्रमित मुसाको पिसाब, दिसा वा र्‍यालबाट निस्कने हावाका कणहरू सासको माध्यमबाट लिँदा यो भाइरसको चपेटामा पर्छन्, जुन प्रायः फोहोर ठाउँहरू सफा गर्दा हुने गर्छ। यो मानिसमा सर्ने अन्य धेरै भाइरसहरू जस्तै हो। यो कोभिडसँग पनि मिल्दोजुल्दो छ, जसले विश्वलाई नै ठप्प पारेको थियो।

हान्टाभाइरस र कोभिड-१९ बीचको मुख्य भिन्नता यो हो कि हान्टाभाइरस मुख्यतया मुसाबाट मानिसमा सर्ने रोग (zoonotic disease) हो, जबकि कोभिड-१९ मानिसबाट मानिसमा सर्ने अत्यन्त संक्रामक श्वासप्रश्वास भाइरस हो। दुवैले गम्भीर श्वासप्रश्वास समस्या निम्त्याउन सके पनि, प्रति-केसको आधारमा हान्टाभाइरस कोभिड भन्दा निकै बढी घातक छ। तर, यो मानिसहरू बीच प्रभावकारी रूपमा नसर्ने हुनाले यसले महामारीको रूप लिने सम्भावना भने निकै कम हुन्छ।

कोभिड-१९ द्रुत रूपमा महामारीको स्तरमा पुग्न सक्छ; यो हावामा रहिरहन्छ र एउटै कोठामा रहेका ठूला समूहलाई संक्रमित गर्न सक्छ। अर्कोतर्फ, हान्टाभाइरसको मानिसबाट मानिसमा संक्रमण लामो समयसम्म नजिकको सम्पर्कमा रहँदा मात्र सम्भव हुन्छ। यो निकै पहिलेदेखि अस्तित्वमा रहेको फरक खालको भाइरस हो। यो कोभिड जस्तो महामारीको सुरुवात होइन; यो त जहाज जस्तो एउटा सीमित क्षेत्रमा देखिएको प्रकोप मात्र हो। सन् २०१८-२०१९ मा अर्जेन्टिनामा पनि यस्तै अवस्था थियो, जहाँ लक्षण देखिएका एक व्यक्ति सामाजिक भेलामा जाँदा धेरै मानिस संक्रमित भएका थिए। अहिलेको अवस्था पनि त्यस्तै छ, यो एक सीमित ठाउँ र नजिकको सम्पर्कका कारण एउटा समूहमा फैलिरहेको छ।

हालै क्रुज जहाजमा देखिएको प्रकोपमा 'एन्डेस स्ट्रेन' (Andes strain) देखिएको छ, जुन मानिसबाट मानिसमा सर्ने ज्ञात भएको एक मात्र प्रकार हो। यद्यपि, यसको संक्रमणका लागि अझै पनि अत्यन्त नजिकको र घनिष्ठ सम्पर्क आवश्यक पर्दछ। विश्व स्वास्थ्य संगठन (WHO) का महानिर्देशकका अनुसार, "एन्डेस भाइरसको लक्षण देखिन लाग्ने समय (incubation period) ६ हप्तासम्म हुन सक्ने भएकाले थप केसहरू रिपोर्ट हुन सक्छन्। यो एक गम्भीर घटना भए तापनि, WHO ले जनस्वास्थ्य जोखिमलाई भने कमै आँकलन गरेको छ।"

विश्वकप २०२६ का टिकटहरू (World Cup 2026 Tickets) - Shocking!

 

२०२६ मा आयोजना हुने विश्वकप इतिहासकै सबैभन्दा ठूलो फुटबल प्रतियोगिता बन्ने अपेक्षा गरिएको छ। FIFA द्वारा आयोजना गरिने यस प्रतियोगितामा ४८ टोली सहभागी हुनेछन्, जसले टिकटको माग, मूल्य र प्रतिस्पर्धालाई अझै रोचक बनाएको छ।

विश्वकपका टिकटहरू मुख्यतः FIFA को आधिकारिक प्लेटफर्ममार्फत बिक्री भइरहेका छन्। टिकट बिक्री विभिन्न चरणमा गरिन्छ—पहिलो चरणमा लटरी प्रणाली, त्यसपछि “पहिले आउनेलाई पहिले” आधारमा, र अन्तिम समयमा बाँकी टिकट खुला बिक्रीमा राखिन्छ। साथै, आधिकारिक पुनर्विक्रय (Resale) प्रणाली पनि उपलब्ध छ, जहाँ फ्यानहरूले टिकट किनबेच गर्न सक्छन्।

सामान्यतया समूह चरणका खेलहरूका टिकट करिब $50 (नेपाली रुपैयाँमा झण्डै ६,५००) बाट सुरु  हुन्छ। फाइनल टिकटहरू  $10,000 वा त्योभन्दा बढी (नेपाली रुपैयाँमा लाखौँसम्म) पुग्न सक्छन्।

 २०२६ फिफा विश्वकपको टिकट मूल्यले नयाँ कीर्तिमान कायम गरेको छ, जसमा फाइनल खेलको पुन: बिक्री (resale) टिकटको मूल्य प्रति टिकट २० लाख डलर (करिब २६ करोड नेपाली रुपैयाँ) भन्दा बढी तोकिएको छ।

हालसम्म विश्वकपका लाखौँ टिकटहरू बिक्री भइसकेका छन्, र कुल उपलब्ध टिकट संख्या करिब ६–७ मिलियन हुने अनुमान छ। माग अत्यन्तै उच्च भएकाले धेरैजसो टिकटहरू छिट्टै सकिने सम्भावना रहेको छ।

यस विश्वकपमा परम्परागत रूपमा बलिया मानिने टोलीहरूमा Argentina, France , Brazil , England र Spain  रहेका छन्। कमजोर टोलीहरू New Zealand र Uzbekistan  रहेका छन्। तर विश्वकपमा कहिलेकाहीँ कमजोर टोलीहरूले पनि अप्रत्याशित प्रदर्शन गर्न सक्छन्।

बालेनको भाषण

 प्रधानमन्त्री बालेन धेरै भाषण नगर्ने नेतामा गनिन्छन्। चुनाव ताका कतिपयले त उनले हात मात्रै मिलाएर हिँडेको पनि भनेका थिए। अहिले पनि उनको खासै भाषण देखिँदैन। तर उनले फेसबुकमा नियमित आफ्ना कुरा राख्दै आएका छन्। उनले वाचा गरेका १०० वटा बुँदा मध्ये सुकुम्बासी र सरकारी जग्गाको समस्या २ वटा परेका छन्, जसमा सरकारले काम गरिरहेको छ। बाँकी ९८ वटा वाचाहरू पनि छन्, आशा गरौँ ती पनि सबै पूरा हुनेछन्। बाँकी रह्यो बालेनको भाषण। यो बालेनको सुकुम्बासी सम्बन्धी भाषण हो। 

बिर्सनुभयो कि सम्झनुहुन्छ, हरेक वर्षको बाढीका कारण काठमाडौँका नदीकिनारमा रहेका हजारौँ मानिस ज्यान मात्र जोगाएर आफ्ना सबै सामान छोड्दै भाग्नुपरेको अनि सरकारले उद्धार गर्नुपरेको दृश्य!

यो वर्षौँदेखिको समस्या हो र हरेक वर्ष दोहोरिने नियति पनि। यो समस्यालाई अब आउने वर्षका लागि थाती नराखी उहाँहरूलाई सुरक्षित रूपमा बसोबासको व्यवस्था मिलाउनुपर्छ भनेर मैले बारम्बार लेख्दै र भन्दै आएको छु।

सोच्नुहोस् त, अब पनि कुनै ठुलो दुर्घटना कुन दिन आउँछ भनेर कुर्दै बस्ने हो र हामी? उहाँहरूको जीवनसँग खेलबाड गर्दै त्यही हालमा छोडेर अधिकार र भोटको राजनीति यसरी नै सधैँ गरिरहने? उहाँहरूलाई उचित ठाउँमा व्यवस्थापन गर्नु उपयुक्त हुन्छ कि जसरी वर्षौँदेखि झुलाइयो, त्यसै गरी अबका वर्षहरूमा पनि झुलाइराख्नु? नागरिकका रूपमा उहाँहरूले पाउने अधिकार त्यही अव्यवस्थित र डुबानको जोखिम भएको ठाउँमा बसिरहनु हो कि त्योभन्दा सुरक्षित ठाउँमा जानु हो? पक्कै पनि जोखिमरहित व्यवस्थापन उहाँहरूको अधिकार हो।

त्यस्तै, नदी र खोला किनारमा रहेका यस्ता बस्तीहरूका कारण ढल निकास प्रणाली निर्माणमा अवरोध पुग्दा उपत्यका नै फोहोर र नदीखोलाहरू दुर्गन्धित भइरहेका छन्। यो स्थानान्तरणले काठमाडौँको ढल निकास प्रणालीलाई सहज बनाउनेछ। यी विविध कारणले नै थापाथली, गैरीगाउँ अनि मनोहरा लगायत काठमाडौँका खोला किनारमा जोखिमपूर्ण अवस्थामा रहेका उहाँहरूलाई बल प्रयोग नगरी, मानवीयतालाई ख्याल गर्दै सुरक्षित रूपमा स्थानान्तरण गर्न लागिएको हो।

मैले उम्मेदवारका रूपमा झापामा गरेको वाचा, वरिष्ठ नेताका रूपमा राष्ट्रिय स्वतन्त्र पार्टीको वाचापत्रमा लेखिएको प्रतिबद्धता अनि प्रधानमन्त्रीका रूपमा छानिएका ‘सरकारका १०० वटा गर्नै पर्ने काम’ (सुकुम्बासी व्यवस्थापन बुँदा ९१ र सरकारी जग्गा अतिक्रमण तथा कब्जा रोक्ने बुँदा ९२) हामीले बिर्सिएका छैनौँ। ती वाचा पूरा गर्न हामी आन्तरिक रूपमा तयारी गरिरहेका छौँ।

काठमाडौँका खोला किनार बाहेक अरू हजारौँ परिवार छन्, जो वास्तवमै पीडित छन्। अनि देशभर लाखौँ सुकुम्बासी छन्। त्यहाँको र यहाँको समस्या बिल्कुलै फरक हो। हामी सरकारमा छौँ; अतिक्रमणकारी र सुकुम्बासी छुट्याउने नै छौँ। देशभरका वास्तविक सुकुम्बासीका लागि प्रक्रिया पूर्याएर यथाशक्य चाँडो जग्गा वितरण गर्नेछौँ। वर्षौँ पुरानो यो समस्याको स्थायी समाधान यो सरकारले गर्नेछ।

ढुक्क हुनुहोस्।

के बालेनले देशैभरि डोजर चलाउलान्?

 

काठमाडौंको सिनामंगलस्थित सुकुम्बासी बस्तीमा घर-टहरा भत्काउन थालिएको छ।  थापाथलीस्थित सुकुम्बासी बस्ती भत्काइसकेर गैह्रीगाउँमा भत्काउन थालेको हो।थापाथली क्षेत्रमा रहेको बस्ती खाली गराएपछि  गैरीगाउँ क्षेत्रमा भत्काउने अभियान सञ्चालन भइरहेको छ। 

ती झुपडी तथा अन्य भौतिक संरचना मान्छे हटेपछि केही घन्टामै डोजर चलाएर भत्काइएको थियो। गैह्रीगाउँमा भने झुपडी सँगसँगै केही पक्की घर पनि भएकाले भत्काउन समय लाग्ने देखिएको छ।

सार्वजनिकस्थल अतिक्रमण गरी निर्माण गरिएका संरचना तथा बस्ती सरकारको निर्देशनअनुसार भत्काउने अभियान सुरु गरिएको हो। बस्ती भत्काउन नेपाल प्रहरी, सशस्त्र प्रहरी बल तथा काठमाडौँ महानगर प्रहरीको संयुक्त टोली परिचालन गरिएको छ।

 सुकुमवासीलाई अस्थायी बसोबास गराउन लागि नागार्जुन नगरपालिका–१ स्थित सरकारी भवन सफा गर्न लागिएको छ । खबरअनुसार केही परिवार यहाँ आएर पनि सरकारले तोकेको ठाउँमा नबस्ने भनी निस्किएका छन्। कतिपय घरमा त भाडामा मान्छे बसोबास गरिरहेका छन्। उनीहरूले सडकपट्टि पसल पनि चलाइरहेका छन् ।

देशको राजधानीमा दशकौँदेखि देशको सार्वजनिक जग्गामा बसेकाहरूलाई कसरी एकै रातमा बालेन सरकार ले खाली गर्‍यो? के यसरी नै देशभरि विकृति छ त? छ भने, बालेन सरकार ले नेपालभरि नै त्यो विकृतिको जालो तोड्न डोजर चलाउला ? 

’