May 1, 2022

क ख ग सिक्ने सजिली तरिक: गीतको माध्ह्यम बाट

 

क ख ग सिक्ने सजिली तरिक: गीतको माध्ह्यम बाट । नेपाली लाई त क ख ग सिक्न आब्श्यक पर्दैन तरा तपाइ कसैलाइ सजिलै क ख ग सिकाउन चाहनुहुन्छ भने यो गीत काम लाग्न सक्छ ।  



March 7, 2022

सगरमाथाको काखबाट

 

नेपाल टेलिकममा सेवा शुरु गरेको लगभग तेह्र वर्ष पछि पहिलो पटक व्यवस्थापनले काठमाडौं बाहिर जाने प्रस्ताव गरेपछि कार्यालय प्रमुखको रुपमा ओखलढुंगा जाने निर्णय गरियो | हिमाली  तथा पहाडी जिल्लाहरुमा कम्पनीको सेवा सुविधा विस्तारमा योगदान गर्न सकिने, लुक्ला, नाम्चे, खुम्जुङ लगायतका हिमाली भेगहरु घुम्न पाइने, कार्यालय संचालन सम्बन्धि नविन अनुभव हुने तथा सेवाको  शुरुवात देखि काठमाडौं बाहिर नबसेको बिषयमा पनि उत्तर दिन सकिने जस्ता कुराहरु सोचेर बाहिर जाने निर्णय त गरियो तर ओखलढुंगा मेरो लागी युगकवि सिद्दिचरण श्रेष्ठले रचना गर्नुभएको मेरो प्यारो ओखलढुंगा कविताको बर्णन बाहेक सर्वथा अपरिचित थियो |  पूर्वी पहाडमा रहेको ओखलढुंगा मेरो मानसपटलमा सुदुर क्षितिजको कुनै विकट जिल्ला मात्र थियो | एकातिर  परिवार, साथीभाई र काठमाडौंको फराकिलो व्यावसायिक नेटवर्क चटक्क छोडेर दुर्गम जिल्लातिर लाग्न खोज्नु निकै ठुलो चुनौती थियो भने अर्कोतिर जागिरे जीवनको वाध्यता | २०७७ भाद्र २१ गते केन्द्रिय प्रसासनबाट सरुवाको पत्र बुझेपछि मनमा एक प्रकारको छटपटी शुरु हुन थाल्यो | सोलुखुम्बु, खोटाङ, ओखलढुंगा जस्ता नितान्त अपरिचित जिल्लाहरुमा आगामी दिनहरु कसरी बित्लान्; परिवारहरुको  व्यबस्थापन कसरी गर्ने होला; अहिले सम्म अनुभव नभएको कार्यालय प्रमुखको जिम्मेवारी कसरी बहन गर्ने; लामो समय काठमान्डौ बसेर बनेको व्यावसायिक सम्बन्धहरु कसरी व्यवस्थित गर्ने भन्ने  जस्ता कुराहरु मनमा खेलि नै रहन्थे | अनेक बेचैनीहरुका बिच कोरोनाको वैश्विक महामारीबाट भने सुरक्षित रहन सकिन्छ कि भन्ने आशा चाँही थियो | सरुवाको पत्र बुझेको दिन नै छोरी स्मारिकाको आपतकालीन अपेंडिक्सको अपरेसन गर्नुपरे पछि त् झन एकदम नरमाइलो पनि लाग्यो, एक प्रकारको त्रास, शंका र बेचैनीले भरिएको थियो | महामारी र  पारिवारिक समस्याको बिचमा भएको मेरो सरुवाको बिषयलाई लिएर कार्यालय भित्र बाहिरका साथीहरु बिचपनि निकै नै खुल्दुली भयो| कतिपय निकट साथीहरुमा त कार्यालय भित्रको सम्बन्धलाई लिएर अनेकन शंका उपशंका पनि भएको थियो | जे जति कुराहरु भएपनि २०७७ असोज १३ गते ओखलढुंगा हिड्ने निर्णय गरें |



October 8, 2021

को हौ?

 मेरो कल्पनाको शहर

अनवरत पछ्याइ रहने  

जति म खोतल्छु त्यति अद्रिश्य 

जति म कल्पन्छु त्यति प्रीय

 समिप ल्याउदा क्षितिज बन्ने  

मिर्मिरे बनेर जिस्काउने 

गोधुलिको छाया बनी 

सपनामा आउने !!

अहो! कस्तो  अाकृति यो अलौकिक !

दिएर स्पर्स मेरो आत्माभित्र 

छोडेर अमृत मेरो मुटु भित्र 

स्वर्गिय मेरो कल्पनाको शहरमा 

कोठामा,झ्यालमा,बाटोमा 

मेरो जिन्दगीको फूल वारीमा 

पराग बनेर आइ दिने 

तिमी को हौ ?!!



April 24, 2021

आत्मियतालाई टुक्रा टुक्रा च्यातेर
स्वार्थको युद्द लड्नु अघि
हामीले सजाएको फूलबारी
सुगन्धित छ अझै
हामीले टेकेको माटो
...पैतलामा भेटिन्छ अझै
हामीले साटेको मित्रभाव
प्रतिबिम्बित छ आँखामा अझै
हामीले पूजेकी आमा
मन-मन्दिरमा सजिएकी छीनअझै
त्यसैले आऊ साथी
आजै मित्रताको सपथ खाऊ
एकपटक फेरि
क्रुरता र स्वार्थले
भरिपूर्ण यो दुनियामा
शुद्द मित्रताको उदाहरण बनौ
ताकी कोही,
मित्रको मुखुण्डो लाएर
यहाँ ढाडमा तिर रोप्न नसकोस
कोही शुभ-चिन्तकको बाहानामा
यहाँ मुटु छेड्न नतम्सियोस्!!!



February 17, 2019

आँसु झर्छ प्रिय





    आँसु झर्छ प्रिय



      इन्जिनियर राकेश कार्की

       लस एन्जेलस



नझारुँ भन्दा भन्दै जब आँसु झर्छ प्रिय

छाति चित्त सबै पो फाटे जस्तो गर्छ प्रिय



दु:ख्दै दु:ख्दै बगेर झर्दै झर्दै मिठा याद

खोल्सो खहरे हुँदै समुद्र नै भर्छ प्रिय



आँसु ढिका ढिकामा यसो ऐना हेर्दै आफ्नो

त्यही प्रतिबिम्बले रुन्चे हाँसो छर्छ प्रिय


February 15, 2019

एअर बस ल्याउने नेपाल एअर लाईन्स टिमलाई शुभ कामना

Kumar Bajra

एअर बस ल्याउने नेपाल एअर लाईन्स टिमलाई शुभ कामना 

जसले जे भने पनि नेपाल एअर लाईन्सले एअर बस दुईवटा किनेकोमा हामी धेरै धेरै नै खुशी छौं l एअर बस ल्याउने सम्पूर्ण नेपाल एअर लाइन्स टिम लाई हार्दिक बधाई छ l

नेपाल एअर लाईन्सले अर्को तीस वटा एअर बस किन्नु पर्छ l र अरु एअर लाईन्स भन्दा सस्तो मुल्यमा बिदेशमा जहाज उडाएर नेपाली जनतालाई राहत दिनु पर्छ l बिना ऋण र बिना लगानी बेपार हुँदैन l यस्तो जिर्ण अवस्था भईकन पनि एअर बस किनेर नेपाल एअर लाइन्सलाई उँभो लगाउने आँट गर्नु भयो l धन्य छन् तपाईहरु l हामीहरु तपाइंको साथमा छौं l निर्धक्क भएर यो समस्याको समाधान भए पछि नेपाल एअर लाईन्स टिमले एअर बस छ्याप छ्याप्ती किनेर नेपालबायुसेवाको विकासको कार्य थाल्ने प्रण गरि अघि बढ्नु होस् l अनि देखाई दिनुहोस नेपाल एअर लाईन्स टिमको टिम वर्क l

भ्रस्ट , कमिशन खोर र दलाली गर्ने धेरै भएको देश भएको हुनाले केहि मात्रामा यस खरिद कार्यमा पनि भ्रस्टाचार त भएन ? भनेर शंका गर्नु एक स्वाभाविक कुरा हो l यसलाई अन्यथा नलिई धुक्क भएर अगाडि बढ्नु होस् l जति धेरै लान्छना आयो त्यति नै शशक्त भएर नेपाल एअर लाईन लाई शशक्त बनाउन तिर लाग्नु होस् l तपाईहरुको टिम वर्कले नेपालको काया पल्टाई दिनुहोस lग्राउन्डेद भएको जहाजबाट सामान चोरी गर्ने सम्पूर्ण चोरहरुलाई छानी छानी पाता कताउनुहोस l ग्राउन्डेद भई रहेको सम्पूर्ण जहाजहरु चलाएर अथवा चलाउन सक्दैन भने बिक्रि गरेर देखाई दिनुहोस् l अग्रिम शुभकामना छ नेपाल एअर लाईन्सको प्रगति प्रति l