यो नेपाल हो

- रमेश राज भट्टराई 

यो नेपाल हो
यहाँ भ्रष्टाचारको विरुद्धमा बोल्न हुँदैन

लाखौँ रुपैयाँ खर्च गर्‍यो क्याम्पस जानलाई
तेही नि हाम्रो औकात हुँदैन जागिर खानलाई
आफ्नै मान्छे भए देखि जागिर पाइदो रहेछ
यो देशमा त राम्रो होइन हाम्रो चाइदो रहेछ

भैगो अब यस्ता कुरा खोल्नै हुँदैन
यो नेपाल हो
यहाँ भ्रष्टाचारको विरुद्धमा बोल्नै हुँदैन

घुसकै कुरा अगाडि आउँछ जुन क्षेत्रमा पनि
जति धेरै पढे पाने के काम भयो तनि
युवाहरू पढे लेखे विदेशी तिरै गए
विदेश किन पस्नु पर्थ्यो देशमै अवसर भए

भैगो अब यस्ता कुरा खोल्नै हुँदैन
यो नेपाल हो
यहाँ सरकारको विरुद्धमा बोल्नै हुँदैन

भ्रष्टाचार गर्नेहरू
देशका नाइके भाछन्
गरेको छु भन्छन् मात्रै भट्टा मात्रै खाछन्
देखाउँछन् जनतालाई सपना कति कति
कठैबरा देशको विकास कछुवाको गति
भैगो अब यस्ता कुरा खोल्नै हुँदैन
यो नेपाल हो
यहाँ नेताहरूको विरुद्धमा बोल्नै हुँदैन

(गीतलाई कविता मा परिबर्तन गरिएकोमा केहि थपघट गरिएको छ )