July 6, 2009

हराउदै गएको अस्तित्व

आचार्य प्रभा
(अमेरिका )
जब म पसलमा सजिएको हुन्छु
बिभिन्न रङमा सुसज्जित भएर
मेरा शरीरभरी नानाथरिका बुट्टाहरु कुंदिएका हुन्छन
बत्तुहरु जडिएका हुन्छन म बिभिन्न आकरमा बिभाजित हुन्छु
सुरिलो,होँचो,गोलाकार वा अरु कुनै आकार ...........,
आउँछन ग्राहकहरु अनी पर्छन मक्ख !
मलाई सुम्सुम्याउँछन्,
मेरो तारिफ गर्छन्,
मेरो बनावटमा दँग पर्छन,
अनी.... कल्पना गर्छन्
कोठाको कुनै टेबलमा मलाई सजाएर
त्यो कोठाको सौन्दर्याता बढेको ,
त्यो क्षण,त्यो पल,म सबैको
आकर्षणको बस्तु बन्छु
जस्ले मलाई पैसामा मोलेर लैजान्छन ।
अन्त्यमा.... जब म
चाहनाको अन्तिम लक्ष वा स्थानमा पुग्छु
मेरा घाँटीभरी कोच्याएर
जब बिभिन्न फूलहरु सजिन्छन
रातो,पँहेलो,नीलो वा अरु कुनै ........
सयपत्री,गोदावरी,गुलाफ वा अरु केही ......
तब..... मेरो आकर्षण फूलहरुको सौन्दर्यमा
परिभाषित हुन्छ ,
मेरो अस्तित्व फूलहरुको अगाडी
अस्तित्वहिन हुन्छ ,
अनी म फूलहरुको उपस्थितिमा
पलायन हुन्छु ,
म..... केवल फूलहरुको भरिया मात्र हुन्छु ,
अनी हुन्छु उस्को श्रिङारको रक्षक
तब...... म निस्सार,निस्साहाय,निरीह बन्छु
मेरो अस्तित्व अनी महत्व राख बन्दै जान्छ
अनी...... म सबैको सामिप्यताबाट
ओझेल बन्दै जान्छु ,
आफ्नो हराउँदै गएको अस्तित्वसँग
आँफै बिरानो बन्छु,
बस बिरानो बन्छु ।


5 Comments:

B.J. Dummali said...
This comment has been removed by the author.
B.J. Dummali said...

मलाई कता कता हरिभक्त कटुवाल सरको याद दिलायो तपाईको यो कबिताले प्रभा जी। लेख्दै जानुहोला शुभकामना।

nepalean said...

Dummali ji kabita ta malai pani ramro lagyo. Tara harbhakta katuwal ko yaad yo kabita bata kasari ayo tyo chhai maile bujhina. Lau na bujhaidiu.

B.J. Dummali said...

malaaii jahaa samma yo kabitaa "CHURAA" ma modiyeko jasto laagyo. harubhakta sir ko pani yastai bhawa bujhaune kabitaa chha tara mildo juldo bhanna khojeko bhane maile haina eutaa shabda jun Churaa sambandhee nai bhaeko karan yaada aayo.

acharya prabha said...

iam sorry,maile tyo haribhakta katuwalko kabita padna paayina dukhako kura. milna sakchha bhawana ho.ta ra yo kabita achanak kasari janmiyo bhane maile restaurantko phooldaani harumaa naya phoolharu pheri raheki thiye achanak malai ti gamalaaharu ko maya laagera aayo ra malai yo kabita tyatibela nai lekna utprerit garaayo ra maile turunta lekhe,

Post a Comment

>>> कमेन्टको लागि धन्यवाद !