करिब १५ दिन पहिले जयपुर देखि मुंबईको लागि उडेको एअर इण्डियाको विमान मुंबई विमानस्थलमा अवतरण नगरी सोझै अगाडि बढ्यो, कारण ककपिटमा रहेका दुवै जना पाइलटहरु मस्त निदाइरहेका थिए । एअरपोर्ट भन्दा करीब १०० माइल अगाडि नै उचाइ कम गर्दै तल आउनु पर्ने विमान मस्त गतिमा उचाइमा उडिरहेको थियो । मुंबई एअरस्पेशमा पुगेको विमानले कन्ट्रोल टावरको निर्देशको कुनै रेस्पोन्स नगरी अगाडी बढेपछि टावरका कर्मचारिहरुले विमान अपहरण भएको अनुमान गरे । त्यसैले हाइ फ्रिक्वेन्सीबाट सेलेक्टिव कलिङ गरियो । चर्को आवाज पछि ककपिटका पाइलटहरुको निद्रा खुल्यो र गोवा नजिकै पुगिसकेको विमानलाई फिर्ता मुंबई ल्याएर सकुशल अवतरण गराए । धेरै घंटा लगातार काम गरेका कारण र अनशेड्युल/आकस्मिक ड्युटीका कारण थाकेका पाइलटहरुले विमान "अटो पाइलट“ मोडमा राखी ककपिटमा निदाएका थिए ।
स्रोत: भारतीय पत्रिकाहरु
स्रोत: भारतीय पत्रिकाहरु
1 Comments:
आजकाल एयर लाइन्सको कथा यस्तै छ। तेलको भाउ र कम्पिटीसनले गर्दा कम पाइलट,थोरै कर्मचारी आदी ले गर्दा चौपट भएको छ।
एउटा बिजनेस जोक याद आयो।
प्र - मिलेनिएर बन्न के गर्नु पर्छ?
ऊ - बिलेनिएर भएर एयर लाइन्स कम्पनी खोल्नुपर्छ।
Post a Comment
>>> कमेन्टको लागि धन्यवाद !