शिव प्रकाश
छोड अब प्रेमका मात्र, गीत गाउन खालि बेकारमा
जहाँ पनि जहिले पनि प्रीत लाउन खालि बेकारमा !
गर्न खोज्यो एउटा यहाँ, हुन्छ फरक थाह छैन किन ?
तिम्रै छायाँ आउँछ माया, छानो छाउन खालि बेकारमा !
अरु केही धेरै छ गर्नु, धेरै छ लेख्नु, यही जिन्दगीमा,
घुमीफिरी पुग्छ यो मन तिम्रै टाउन खालि बेकारमा !
गीत पनि, गजल पनि, कथा – कविता सेरोफेरो उही
लेखुँ भन्छु अर्थोक केही, केही आउन्न खालि बेकारमा !
दोष दिउँ किन कस्लाई छैन वसमा यो मनको तृष्णा
साँचो सत्य बोल्छ प्रकाश तिम्रै ध्याउन्न खालि बेकारमा !
डिसेम्बर ०१, २०१०।
9 Comments:
यस्तो मिठो गजल लेख्नु भैहाल्यो अब किन खालि बेकार मा भन्नु हुन्छ ?!
बेकार हुदो हो त यति मिठो गजल कसरि बन्दो हो !
लुनाजी,
रमाइलो मान्नु भो ? खालि बेकारमा .... !
http://www.nepalimanharu.com/
रमाइलो र ' मिठो ' मा फरक हुदैन र ?!
रमाइलो त किन मान्नु र हो अर्काको मन दुखेको बुझी बुझी पनि ----
तर जुन भाब ( शब्द ) पस्कनु भो त्योल्ले मन छोयो ---
मन छुने भावलाई मैले मिठो भनिदिए तर तपाइले भन्नु भए झैँ """ रमाइलो""" चै
भनेकी छैन कत्ति पनि !
( पुन : मिठो भनेर मैले तपाइको प्रस्तुत गजल को भावलाई इंकित गरेकी हु , रमाइलो भन्ने मेरो उद्देश्य होइन कत्ति पनि , नजानेरै मन दुखाएकी रैछु भने छेमा पाउ )
लुनाजी,
मीठोको अनुभूति रमाइलो पनि हुन सक्छ र हैन ? जे हो म आफूलाई त्यस्तो लाग्छ । अनि यहाँको प्रतिकृयाले मन दुखेको हैन, झनै फुरूङ्ङ भएको छ । धन्यवाद ।
khali bekrma re....borai bhayecha teso bhaye . khali bekarma.
खाली बेकारमा शिबजीको मन कता कता पूगेछ। अन्तिममा सांचो त बोल्नै पर्ला जस्तो छ।
शिब जी यो गजलमा कबिता जस्तै अक्षरको संख्या हरेक हरफमा उतीनै हुनुपर्ने हो?
नेपालीयनजी,
यो गजलमा मात्र हैन सबै गजलमा अक्षरको मात्रा गणना हुन्छ । मैले बुझेसम्म गजल एउटा प्राविधिक विधा पनि हो अनि यो सिर्जना र निर्माण दुबै हो । म धेरै गजल लेख्दिन तर लेखेँ भनेँ गजलको धर्म र मर्मभित्र रहेर लेख्ने प्रयास गर्छु ।
मूलतः गजलमा काफिया र रदिफको भूमिका महत्वपूर्ण हुन्छ । गहिरिएर जाने हो भने धेरै कुराको ज्ञान हुनु पर्दो रहेछ, गजल लेख्नका लागि जुन मसँग पनि छैन । अनि गजलमा हरेक पदमा निश्चत विराम हुनु पर्छ । जस्तो यसलाई अर्ध विराम, मध्य विराम र पूर्ण विरामका रूपमा पनि बुझ्न सकिन्छ । अक्षर बराबर भएर मात्र हुदैन कि जस्तो लाग्छ ।
धन्यवाद ।
Post a Comment
>>> कमेन्टको लागि धन्यवाद !