चार मुक्तक

१

हरुवा र जितुवाको घमासान छ ।
एउटै कुर्सीको मात्रै तानातान छ।
के गर्छन यीनले शान्ति स्थापना,
कुर्सी पाउनै जब हानाहान छ ।

२

गर्न लाई त गर्छन् त्याग र बलिदानका कुरा ।
बोल्न लाई बोल्छन् शान्ति र समाधानका कुरा ।
राष्ट्रियता र देशभक्ति किताबमै थन्क्यो अब,
केही उत्तरका गुलाम, केही सुन्छन् हिन्दूस्तानका कुरा ।

३

संविधान नबने पनि सत्ता त छँदैछ।
भोट नपुगे पनि जत्था त छँदैछ ।
सके तैँ मन्त्री, मै मन्त्री बनौँला जेठा,
नसके ‘फ्रि’ मा आउने भत्ता त छँदैछ ।

४

भन्न लाई त नेता एक-से-एक छन् ।
‘गर्छु’, ‘सक्छु’ भन्ने तर्क अनेक छन् ।
गरिब द्वारा पालिएका वास्तवमा, 
निकम्मा ६०१ छन् ।