दह्रो छैन भन्छन् चिप्लेला पाउ हजुरको
हार्दा'नि जित हुने हुन त दाउ हजुरको ।
वहाबको धार बुझी खियाउनु आफैँ अब
अरुको भर पर्दा डुब्ला नि नाउ हजुरको ।
कुन सपना छर्नुभो घाम नपुग्या गाममा
चर्चाको शिखरमा पुगेछ हाउ हजुरको ।
प्रभुको कृपा हजुरको भक्ती तथास्तु भो कि
आजभोलि बढ्या छ सर्वत्र भाउ हजुरको ।
कोठामा बसी छाना जलाउनु हुन्न लैलैमा
जलेपछि दुख्दैन र आफ्नै घाउ हजुरको ।
September 13, 2009
Subscribe to:
Post Comments (Atom)
1 Comments:
वका जि को गजल सुन्दर छ ।
Post a Comment
>>> कमेन्टको लागि धन्यवाद !