- यदु
ओखलढुङ्गा, हाल : दोहा कतार
----------तिमीबाहेक यो मन कतै सर्दै सरेन |
यो मुटुमा तिम्रो माया मर्दै मरेन ||
अझै तिमीलाई पर्खिरहेछु भेटिएला भन्दै |
बाँचिरहेछु बिछोडका दिनहरु गन्दै ||
साउने झरी भएका छन् मेरा नयन आज |
तिम्रो माया मेटिएन मेरो मुटुमाझ ||
किन होला आज-भोलि सारै याद आउँछ |
छातीभित्र जताततै तिम्रो मात्रै नाम छ ||
यो जीवनमा मैले आज यस्तो ढोका खाएँ |
कसैको पनि विश्वास छैन भन्ने शिक्षा पाएँ ||
आफ्नो भन्ने कोही'नि छैन सबै पराइ भए |
मनका सबै खुसी जती बिलाएर गए ||
गरी खान्छु भन्ने इच्छा ओइलाएर गयो |
बाँच्न मलाई रहर छैन विष पिए भयो ||
मेरो पीडा दिन्नँ तिमीलाई आँसु बनाई पिएँ |
बाहिर आउने मनका शब्द यहीँ रोकिदिएँ ||
1 Comments:
यदु जि यो माया भन्ने जात नै यस्तै हो भए पनि पिडा नभए पनि पिडा, फेरी गर्दिन गर्नु परेको छैन भन्दा पनि मनले धर नदिने त्यसै त्यसै छटपटी तुल्याइदिने । जे जस्तो भएपनी सबै कुरा मनभित्रै दबाएर जिवनको आफ्नो महत्वपूर्ण उधेश्य प्राप्तिमा लाग्नु नै राम्रो । गीत मिठो छ लेख्दै गर्नुस तपाइलाई शुभकामना!
Post a Comment
>>> कमेन्टको लागि धन्यवाद !