यति र यु. एफ. ओ. दुईवटा यस्ता रहश्यहरु हुन जुन बेला- बेलामा मिडियामा आईरहन्छन, अनि यीनिहरुको अस्तित्वको वारेमा पनि सकारात्म र नकारात्मक दुवै खाले विचारहरु रहेका छन। एकथरि मानिसहरु यिनको अस्तित्वलाई ठाडै नकार्छन भने अर्काथरी बेला बेलामा यस्को अस्तित्वको प्रमाण फेला परेको बताउँछन ।
यहि हप्ता संयोगबस यि दुबैको अस्तितवको वारेमा एकै चोटि ईण्टरनेट, कागजी छापा र बिद्युत्तीय समाचार माध्यमहरु भरिएका छन ।
यु. एफ. ओ. को बारमा आएको खबर यसपाला पनि 'ईतिहासको कथा' भएकोले यहा त्यसको चर्चा गरिने छैन । तर यति, जुन केवल नेपालको उच्च हिमाली भेगमा अझै रहेको विश्वास गरिन्छ, को वारेमा फेरि यौटा भर्खरै भएको अध्ययनले यतिको अस्तित्वको प्रमाण दिन कोशिस गरेको छ।
धौलागिरि-४ मा करिव ४२ दिनको अध्ययन, अनुशन्धान पछि भर्खरै यौटा जापानि टोलिले यतिको पद चिन्ह फेला पारेको कुरा बताएका छन।
त्यसो त हिमाली भेगका शेर्पा समुदायका विबिन्न व्यक्तिहरु र पर्वतारोहिहरुले बेला बेलामा टाढा बाट यतिलाई देखेको, जम्काभेट भएको र यदा कदा यतिसंग सम्पर्क गरीएको र उपचार गरेको किबंदन्तिहरु पनि सुन्नमा आएका छन र उनिहरु यतिको अस्तित्वलाई सहज स्विकार्छन । तर यसपाला भने बोलीचालिको भाषामा 'हिम मानव' पनि भनिने यतिको करिव २० ईन्च लामो पद चीन्हको फोटो पनि सो टोलीले सार्बजनिक गरेको छ।
स्मरण रहोस सिलौटेबाट करिव २०० मिटर परको स्थान, जहा सन २००३ मा सो टोली का टोली नेता Yoshiteru Takahashi ले टाढाबाट यौटा करिव १५० से . मि . को हिममानवको आकृति दुई खुट्टाले हिडंदै गरेको देखेका थिए, सोहि स्थानमा यस पटक नौ वटा अति संवेदनशील क्यामरा राखि खोज शुरु गरीएको थियो ।
हुन त टोलीको मुख्य लक्ष हिम मानवलाई फ्लिममा उतार्नु थियो, तर यस पटकको लागि त्यो भने सम्भव भएन । तर उनिहरु यस पटक प्राप्त यतिको पद चिन्हबाट निकै उत्साहित भएका छन । सो टोली का टोली नेता Yoshiteru Takahashi ले आफुहरुले कैयौं पटक हिमाली यात्रा गरिसकेकोले भालु, हरिण वा अन्य कुनै जनावरको पद चिन्हसंग झुक्किने कुनै संभावना नभएकोले बताउँदै, यो यति कै भएको कुरामा पुर्ण विश्वस्त रहेको जनाए।
टोली नेताले यतिको पद चिन्हले यो हिम मानव कुनै काल्पनिक कथा नभएकोले आफुहरु जत्ति सक्यो छिटो सो अनुशन्धानलाई निरन्तरता दिन आउने र यतिलाई क्यामेरामा नउतारेसम्म यो खोज जारि रहने पनि बताए ।
(स्रोत: विभिन्न पत्र-पत्रिका र वेवसाइटहरु)
5 Comments:
यति साँच्चै भेटिए त राम्रै हुन्थ्यो । त्यसलाई हेर्न भएपनि टन्नै पर्यटक आउँथे । साथै अर्को एउटा रहस्यको रहस्योदघाटन हुने भएकाले शायद हामी नेपालीका लागी खुसीकै कुरा हुन्छ होला यतिलाई भेट्टाइयो भने ।
same here:
http://aakarpost.blogspot.com/2008/10/blog-post_21.html
hehehe..
सबैले यसै भन्ने गर्छन। तर यतीको जिउदे फोटो नदेखे सम्म बिश्वास गरीहाल्ने अबस्था छैन। यही कुरा यु्.एफ.ओ मा पनि त्यस्तै हो। कथा धेरै छन तर प्रमाण कमजोर छन। मैले पनि मुस्तागंका एक जना बाट यतीको कथा सुनेको छु। उनि यतीलाइ मेती भन्ने गर्छन।
maila pani dautari bata sabhar gara la saathi ho http://nisthuripardeshi.blogspot.com/2008/10/blog-post_22.html
सानैमा किचकिनि वा बन मान्छेको बारेमा खुब कुरा सुनिन्थ्यो गांउ घर तिर । कसैले बनमान्छेले फाल्यो भन्थे, कसैले बनमान्छेले आएर भैंसीको दुध खाएर जान्छ भन्थे । तर आजकल यि कुराहरु सुनिदैन । शायद अफ्रिकी जंगलमा पाइए जस्तै हाम्रो तिर पनि बन मान्छे वा हिंउ मान्छे पाइनु पर्ने हो । २०-२२ वर्ष पहिले यस्ता घटनाहरु खुब सुनिन्थे ।
पैतला यतिको होला वा नहोला तर अरु दुनियाका मान्छेहरुको अगाडि बन मान्छे जस्तै लाग्ने हामी जस्ता मनुषहरुको देशमा हिंउ मान्छे वा बन मान्छे पाइनै पर्ने हो !
Post a Comment
>>> कमेन्टको लागि धन्यवाद !